20 Tachwedd
Heddiw yw Diwrnod Cenedlaethol y Plant – sy’n cael ei ddathlu ledled y byd. Mae’n ddiwrnod sy’n ymroddedig i dynnu sylw at hawliau plant a sicrhau bod eu lleisiau’n cael eu clywed. Pwrpas y diwrnod hwn yw codi ymwybyddiaeth o broblemau plant ym mhob gwlad, i ddangos ein hundod gyda phlant a sicrhau ein bod bob amser yn gwella lles plant.
Mae’r diwrnod hwn yn creu’r angen i bob gwlad a chenedl sicrhau bod gan blant hawliau a’n bod bob amser yn rhoi eu hanghenion nhw yn gyntaf.
Ein cenhadaeth i gefnogi ein plant
Yn Maethu Cymru rydym yn cydnabod y neges hon bob dydd. Rydym bob amser yn gweithredu er budd y plentyn ac yn parhau i geisio rhoi’r dechrau gorau mewn bywyd i’n plant. Ni allem gyflawni hyn heb ein gofalwyr maeth ac rydym bob amser yn chwilio am fwy. Os ydych chi’n teimlo y gallech chi helpu i newid bywyd plentyn, cysylltwch â’n tîm cyfeillgar.
Gweithgareddau Diwrnod Cenedlaethol y Plant
Dyma rai ffyrdd y gallwch ddathlu Diwrnod Cenedlaethol y Plant gyda’ch teulu
1. Gwnewch y diwrnod yn ddiwrnod iddyn nhw
Gadewch i’r plant gymryd drosodd! Mae’n gyfle gwych i adael iddyn nhw reoli’r tŷ a gwneud pa bynnag weithgareddau maen nhw eisiau eu gwneud (o fewn rheswm – wrth gwrs!)
2. Ewch allan am y dydd
Mae’n esgus da i fynd â’r plant allan am ddiwrnod o hwyl i’r teulu. Os yw’n disgyn ar ddiwrnod ysgol, gallwch bob amser ei wneud ar y penwythnos neu ar ôl ysgol. Edrychwch ar ein blog arall, i weld beth sydd i’w wneud ym Mro Morgannwg
3. Dysgwch
Peth arall y gallwch chi ei wneud yw ei droi’n ddiwrnod addysgol. Mae’n bwysig i blentyn, yn enwedig yn y system ofal, fod yn ymwybodol o’u hawliau a gyda phwy i siarad am gymorth.
